Венесуэла президенти Николас Мадуро 5-6 октябрь кунлари Туркияга расмий ташриф билан келади. Бу ҳақда Туркия раҳбари матбуот хизматидан хабар беришган.

Туркия ва Венесуэла президентлари яккама-якка шаклда ва кенгайтирилган таркибда учрашув ўтказадилар, икки томонлама муносабатлар, минтақавий ҳамда халқаро масалаларни муҳокама қиладилар.

Бундан ташқари, ташқи ишлар вазирлари раҳбарлигида Туркия билан Венесуэла ўртасидаги ҳамкорлик бўйича Қўшма комиссиянинг иккинчи йиғилиши бўлиб ўтади.