Хитойнинг Нангкин шаҳрида 2020 йилга келиб «Барселона» ва Аргентина терма Лионель Мессига бағишланган мавзули истироҳат боғи очилади. Бу ҳақда Goal.com нашри хабар тарқатди.

Мазкур лойиҳа тақдимоти пайшанба куни Барселонада бўлиб ўтган. Лойиҳани амалга ошираётган компания раҳбари Дэвид Хираунинг таъкидлашича, улар аввалига музей яратишмоқчи бўлишган, аммо ташриф  буюрувчиларнинг кўпроқ эътиборини жалб қилиш учун истироҳат боғи қуришга қарор қилишган. «Ғояга кўра, ташриф буюрувчилар кун давомида боғда сайр қилишлари учун шароит яратилади», - деган у.

Хираунинг айтиши бўйича 80 минг кв. мни ташкил қилади. «Биз паркка 4-5 миллион одам ташриф буюришини истаяпмиз. 2020 йилда боғ ишга тушиши режа қилинган, унинг қиймати 170 млн еврони ташкил қилади. Шунингдек шаҳар маъмурияти ҳам пул ажратишни режа қилган», - дея таъкидлади Хирау.

Мессининг ўзи ҳам истироҳат боғи ёшлар учун футболга бўлган қизиқишнинг ошишига ишонишини айтди. «Мен истироҳат боғига ташриф буюрувчилар ўзларида йўқ тажрибасига эга бўлишади, деб ният қиламан. Умид қиламанки, улар боққа ташриф буюрганида ўзларини мен билан бир сафда тургандек ҳис қилишади», - деган 30 ёшли футболчи.