«Барселона» расмий сайтида маълум қилинишича, клуб Андрес Иньеста билан шартномани узайтириш борасида келишувга эришган.

Бугун, 6 октябрь куни «Камп Ноу»да у билан фаолиятининг охиригача амалда бўладиган янги шартномани имзолаш маросими ўтказилади.

Ушбу футболчи каталонлар клуби тарбияланувчиси ҳисобланади. У асосий жамоада 2002 йил дебют қилган ва 639 учрашув ўтказган. Унинг ҳисобида «Барселона» учун урилган 55 гол бор, у шунингдек, 136 голга узатма берган. 

33 ёшли бу ҳавбекнинг амалдаги шартномаси 2018 йил ёзига қадар тузилганди.