2017 йилнинг 6 октябрь куни соат 10:05да, Учтепа туманида жойлашган Тошкент юридик коллежи ҳудудида, мазкур коллежнинг 3-босқич ўқувчилари – 2000 йилда туғилган, С.С.С., П.А.Н. ва 1999 йилда туғилган Ё.Р.З. ўрталарида келиб чиққан келишмовчилик оқибатида ўзаро жанжаллашиб, С.С.С. пичоқ билан П.А.Н. ва Ё.Р.З.ларнинг чап оёқ сон қисмига бир мартадан уриб тан жароҳати етказган. Бу ҳақда пойтахт ИИББ хабар берди.

Натижада П.А.Н. “чап сон юқори учлиги санчилиб кесилган жароҳати, фаол қон кетиши” ташхиси билан РШТЁИМга ётқизилган ва олган тан жароҳати оқибатида шифохонада вафот этган. 

Фото: KUN.UZ

Ё.Р.З.га “чап сон ташқи юзаси санчилиб кесилган жароҳати” ташхиси билан РШТЁИМда амбулатор тиббий ёрдам кўрсатилиб, уйига юборилган. 

Мазкур ҳолат юзасидан Тошкент шаҳар ИИББ ҳузуридаги Тергов бошқармаси томонидан Ўзбекистон Республикаси ЖКнинг 104-моддаси 3-қисми “д” банди (жабрланувчининг ўлишига сабаб бўлган қасддан баданга оғир шикаст етказиш) аломатлари билан жиноят иши қўзғатилиб, тергов ҳаракатлари олиб борилмоқда.