Йўл ҳаракати хавфсизлиги фонди (AAA Foundation for Traffic Safety) экспертлари тадқиқот ўтказиб, замонавий мультимедиа тизимлари қанчаалик эътиборни чалғитувчи эканини ва рулни бошқараётганда қилиш мумкин бўлмаган ҳаракатларни аниқлашди.  

Тадқиқотда 30 модель (Audi Q7, Cadillac XT5, Ford F-250, Infiniti Q50, Mazda3, Honda Civic ва б.) ҳамда 24 ҳайдовчи иштирок этди. Улар соатига 40 км тезликда мультимедиа тизимларининг функцияларидан фойдаланишган. 

Бунда ахборот-кўнгилочар тизимнинг энг ҳалақит бермайдигани аудиони созлаш бўлди: товушни баландлигини ўзгартириш ёки радио тўлқинини созлаш. Бу ҳаракатлар одатий бўлиб, унинг учун кўп вақт талаб этилмайди. Иккинчи ўринда телефон қўнғироқлари ва SMS экани аниқланди.

Ҳаммасидан ҳам йўлда автомобиль бошқариб кетаётган ҳайдовчиларни навигация тизими кўпроқ чалғитади. Ундан фойдаланиш, айниқса манзилни киритиш юқори даражада эътиборли бўлишни талаб этади. 

Бундан ташқари, тадқиқот чоғида интерфейс ва бошқарув жиҳозлари ҳам ёддан кўтарилмади. Энг қулайлари ускуналар панелининг марказий қисмида жойлашганлари экани айтилмоқда. Шу билан бирга ҳайдовчининг диққатини талаб қиладиган автомобиль маркаларига ҳам ойдинлик киритилди. Булар Honda Ridgeline, Audi Q7, Volvo XC60, Honda Civic ва Dodge Durango экани аниқланди.