Сўнгги вақтларда турли хил стартаплар ҳақида тобора кўп гапирилмоқда. Шу мавзуда турли хил хабарлар, янгиликлар берилмоқда. Аммо, уларнинг қайбири муваффақият қозонишини олдиндан тахмин қилиб бўлмайди. 

Бироқ юқори технологияларнинг автосаноат билан учрашадиган Лос-Анжелес автокўргазмасида тахмин қилишга уриниб кўришди ва автотранспорт соҳасида энг яхши бўлиши кутилаётган 10 стартап номини танлашди. Ғолиблар ҳақида Wired ҳикоя қилмоқда.

Кўргазма кураторларининг фикрича, бугунги автосаноат автомобиль от ўрнини эгаллаганидан бери кузатилмаган трансформацияни бошдан кечирмоқда. Электр двигателлар  ва муқобил транспорт воситаларига ўтиш жараёнида стартаплар ҳал қилувчи ўрин тутади. 300 номзод орасидан танлаб олинган 10 компанияни биир нарса бирлаштиради. Уларнинг барчаси ёрқин автомобиль келажагига олиб борувчи бир нечта муҳим муаммоларни ҳаал қилиш устида ишламоқда. 

GhostWave

Оҳайо штатининг Коламбус шаҳрида ташкил этилган стартап радиолокацион датчикларни ишлаб чиқади. У тўлқин узилишларига чидамли бўлиши айтилмоқда. Бу эса йўлларда муқобил автомобиллар кўпайганда асқатади. 

Neteera Technologies

Фото: neteera.com

Компания радар ва лидарни ўзида бирлаштирувчи Terahertz датчиги устида ишламоқда. 

Innoviz Technologies

Исроил стартапи қаттиқ ҳолатдаги лидар устида иш олиб бормоқда. Лазер датчиклар ҳайдовчисиз автомобиллар ривожига туртки бериши керак. Аммо айланиб турувчи ойналардан фойдаланиш уларни қиммат ва заиф қилади. Қаттиқ ва қисмлари ҳаракатланмайдиган датчиклар вазиятни ўнглайди.

Mighty AI

Стартап робомобилларни бошқариш алгоритмларини ўргатиш учун компьютердан фойдаланиш бўйича ўрганишлар олиб бормоқда. 

Cerebri AI

Бу компания ҳайдовчилар ва уларнинг атроф-муҳит билан ўзаро муносабатидан қандай пул топиш мумкинлигини тушунишга уринмоқда.
 
WayRay

Фото: @WayRay / twitter.com

Стартап робомобиллар учун қўшимча реаллик билан тўлдирилган голографик техника устида ишламоқда.

Ridecell

Мазкур стартап Ridesharing ва Carsharing учун дастурий таъминот ишлаб чиқаришни мақсад қилган. Унинг ёрдамида бошқа компаниялар ўз лойиҳаларини тезда йўлга қўйишлари мумкин бўлади. 

GoKid

Carsharing иловасини ишлаб чиқмоқда. У мактаблар, болалар спорт жамоалари ва фаол болали оилаларга мўлжалланади. 

SPLT

Стартап бошқалар билан бирга боришни хоҳловчи йўловчилар жамиятига асос солмоқчи. 

EV Safe Charge

Электромобилларни қувватлаш инфратузилмаларини ишлаб чиқмоқда. 

Шу йил охирида ҳакамлар бу рўйхатни 3 тагача қисқартиришади. Ғолиблар, соҳға кўргазмаларига кириш чипталари ва Microsoft, NVIDIA, Porsche Consulting ҳамда Elektrobit маҳсулотлари билан танишади. 

Умуман, автомобиллар бозорини янги технологиялар эгалламоқда. Тахминларга кўра, аср ўрталарига келиб, АҚШдаги электромобиллар улуши 75 фоизни ташкил этади. Хитойда эса бу турдаги автомобиллар савдоси рекорд ортидан рекорд қўйишда давом этмоқда.