Саудия Арабистонида номаълум кимсалар подшоҳ Салмон бин Абдулазиз Ол Сауднинг Жиддадаги саройига ҳужум қилишга уринишди. Al Jazeera телеканалининг ижтимоий тармоқлар фойдаланувчиларига иқтибос келтирган ҳолда маълум қилишича, Саудия Арабистони ҳуқуқ-тартибот идоралари ҳужумни бартараф этишган, бироқ босқинчилар билан тўқнашувда саройнинг 2 нафар қўриқчиси ҳалок бўлган.

Шу сабабли АҚШнинг Саудия Арабистонидаги элчихонаси Саудия Арабистонида бўлган америкаликларни эҳтиёткор бўлиш ва Ол Сауднинг Жиддадаги саройи яқинига бормасликни тавсия қилган.

Саудия Арабистони ҳукумати ҳозирча ҳужум бўлганини расман тасдиқламаган.