Ўзбекистон Ташқи ишлар вазири Абдулазиз Комилов бошчилигидаги делегация 10 октябрь куни Россиянинг Сочи шаҳрида Мустақил Давлатлар Ҳамдўстлиги Ташқи ишлар вазирлари кенгашининг навбатдаги мажлисида иштирок этади. Бу ҳақда ТИВ матбуот хизмати хабар берди.

Мажлисда Ҳамдўстлик доирасидаги ҳамкорлик истиқболлари ва Давлат раҳбарлари кенгашининг бўлажак мажлисига тайёргарлик кўриш жараёнини муҳокама қилиш режалаштирилмоқда.

МДҲ иштирокчи давлатларининг ташқи сиёсат идоралари раҳбарлари халқаро ва минтақавий сиёсатнинг долзарб масалалари юзасидан ҳам фикр алмашади.