Россияга алоқадор муносабатлар, Европа Иттифоқи билан ҳамкорлик ва НАТОнинг модернизацияси 2018 йилда Брюсселда бўлиб ўтадиган Шимолий Атлантика альянсининг саммитида кўриб чиқилади. Бу ҳақда НАТО бош котиби Йенс Столтенберг маълум қилган.

«Биз НАТОнинг кейинги саммитига тайёргарликни бошладик, у Брюсселда келаси йили янги бош қароргоҳимизда бўлиб ўтади. Биз коллектив мудофаани модернизация қилиб, жануб ва шарқдаги қўшни мамлакатларга барқарорлик ҳамда хавфсизликни келтиришга ёрдам бериб, Уэльс ва Варшава саммитларида қабул қилинган қарорлар асосида ишлашда давом этамиз», - деди Столтенберг Бухарестда НАТО Парламент ассамблеяси йиғилишида сўзга чиқиб. 

Унинг сўзларига кўра, «Россия билан муносабатлар, албатта, муҳим мавзу бўлади, шунингдек Европа Иттифоқи билан ҳамкорлик ва альянсни модернизация қилишни давом эттириш ҳам етакчи ўрин тутади».