Япониянинг Кагосима префектурасида жойлашган Танэгасима космодромидан Япония томондан юқори аниқликдаги GPS тизимини яратиш учун тўртинчи рақамли "Митибики-4" сунъий йўлдоши орбитага учирилди. Бу ҳақда NHK телеканали хабар берди.   

Таъкидланишича, сунъий йўлдош орбитага H2A-F36 ракетаси ёрдамида юборилган.

Маълум қилинишича, агар сунъий йўлдош муваффақиятли ишласа, Япония 2018 йилдан АҚШнинг GPS тизимига қўшимча равишда ўзининг навигация тизимидан фойдаланишни бошлайди.

Телеканалнинг эслатишича, бу сериядаги аввалги сунъий йўлдош 19 августда учирилган.