Kataloniya rahbari mustaqillik deklaratsiyasini imzoladi

Foto: Reuters

Kataloniya hukumati raisi Karles Puchdemon, uning o‘rinbosari Oriol Junkeras hamda parlament spikeri Karme Forkadel muxtoriyatning mustaqilligi deklaratsiyasi ostiga imzo qo‘yishdi. Bu marosimni 24 Horas telekanali jonli tarzda namoyish qildi.

Hujjatni mustaqillikni qo‘llab-quvvatlovchi partiyalar – "Ha uchun birga" va "Xalq birdamligi nomzodi" deputatlari ham imzolashdi.

Avvalroq Puchdemon parlamentdagi nutqida 1 oktabrda o‘tkazilgan referendum natijalari mustaqil davlat tuzilishini e'lon qilish huquqini berishini, biroq parlamentga Madrid bilan muloqot boshlash uchun mustaqillikni e'lon qilishni to‘xtatib turishni taklif qilgandi.

Ispaniya hukumati referendum natijalarini tan olmayapti. Kataloniya hukumati ma'lumotlariga ko‘ra, referendumda davomat 43,03 foizni tashkil qilgan va ovoz beruvchilarning 90,18 foizi mustaqillikni qo‘llab-quvvatlaganlar.

#Kataloniya #mustaqillik deklaratsiyasi

Ispaniyaning shimoliy-sharqiy hududida, Kataloniya avtonomiyasida, istiqomat qiluvchi aholi 1 oktabr katalonlarning mustaqillik masalasini hal etish uchun ko‘chaga chiqdi. Rasmiy Madrid ushbu harakatni yo‘qqa chiqarish maqsadida mahalliy politsiya kuchidan foydalanmoqda.