Нурсултон Назарбоев Қозоғистон энергетика вазири Канат Бозумбаевга мамлакатдаги бензин билан боғлиқ вазият туфайли ҳайфсан берди, деб хабар қилмоқда Оқўрда матбуот хизмати.

«Давлат раҳбари фармойиши билан Қозоғистон Республикаси бош вазири тақдимномасига кўра, ички ёқилғи-мой материаллари бозори устидан тегишли назорат ўрнатилмагани, юклатилган вазифаларни етарли даражада бажармаганлик сабабли Қозоғистон Республикаси энергетика вазири Канат Бозумбаевга ҳайфсан берилди», - дейилади Оқўрда хабарида.

Аввалроқ, Қозоғистон ҳукумати йиғилиши вақтида бош вазир Боқижон Соқинтаев Нурсултон Назарбоев номига энергетика вазири Канат Бозумбаевга ҳайфсан эълон қилиш тўғрисида тақдимнома киритганди.