Tojikistonda qancha paxta terilgani ma'lum bo‘ldi

Tojikistonda joriy oy boshidagi holatga ko‘ra, 270 ming tonnaga yaqin paxta xom ashyosi terildi, deb xabar berdi mamlakat Qishloq xo‘jaligi vazirligi matbuot xizmati.

Ma'lumotlarga qaraganda, hosil miqdori prognoz rejasidan 76,3 foizni tashkil etadi, bu o‘tgan yilning shu davriga nisbatan 97,9 ming tonnaga ko‘pdir. Respublikada o‘rtacha hosildorlik kuniga 4,9 ming tonnadan ortiq xom ashyoni tashkil etmoqda.

Bugungi kunda yettita paxta yetishtiruvchi tumanlar o‘zlarining prognoz rejalarini 83 foizga bajargan.

Tojikiston Qishloq xo‘jaligi vazirligining ma'lumotlariga ko‘ra, o‘tgan yili 312 ming tonnadan ortiq paxta xom ashyosi terib olingan bo‘lib, bu prognoz ko‘rsatkichidan taxminan 90 foizni tashkil qilgan.

Joriy yilda respublikada 162,5 ming gektardan ziyod yerga paxta ekildi. Xususan, Xatlon viloyatida 155,5 ming gektardan ortiq yer, So‘g‘dda 44,2 gektar maydon, respublika bo‘ysunuvidagi tumanlarda esa 2,8 ming gektardan ortiq maydon paxtaga ajratildi.