AQSh prezidenti Donald Tramp va Buyuk Britaniya bosh vaziri Tereza Mey telefon orqali suhbat qilib, Eronning yadro qurolini ishlab chiqishiga to‘sqinlik qilish masalalarini muhokama qilib oldi.
Tramp Eronni yana raketalarni ishlab chiqish, terrorchilarni qo‘llab-quvvatlashda ayblagan va «zararli va destruktiv» faoliyati tufayli, Tehronni javobgarlikka tortish uchun hamkorlik zarurligini uqdirgan.
«Prezident Donald Tramp bugun Buyuk Britaniya bosh vaziri Tereza Mey bilan Eronning yadro quroliga ega bo‘lish yo‘llarini to‘sish masalalarini muhokama qildi», — deb xabar beradi Oq uy matbuot xizmati.
Suhbat amerikaliklar tashabbusi bilan amalga oshirilgan.
Avvalroq, Britaniya bosh vaziri ofisi rasmiy Londonni Eronning yadro dasturi bo‘yicha erishilgan kelishuvga amal qilishi haqida xabar bergan edi.
