Хитойда бир неча нафар ота-она фарзандлари талашиб қолган ўйинчоқ учун ўзаро ҳисоб-китоб қилиб олишди. Ҳодиса Youku порталига жойлаштирилган.

Маълум бўлишича, ҳодиса Гуандун вилояти Шэнчжэн шаҳрида юз берган. Лавҳада эркакларнинг болалар ўйин майдонида уришиб кетишгани, бунда қўлга тушган ҳар қандай буюмдан фойдаланаётганини кўриш мумкин. Жанжалга эса, ўйинчоқ кимга тегишли экани билан боғлиқ тортишув сабаб бўлган. 

Бироз вақт ўтгач, савдо маркази қўриқчилари ур-йиқитни тўхтатган. Албатта, уларнинг ҳеч бири жиддий жароҳат олмаган.