AQSh qishki va yozgi Olimpiya o‘yinlariga ketma-ket mezbonlik qilishni rejalashtirmoqda

AQSh Milliy olimpiya qo‘mitasi direktorlar kengashi raisi Larri Probstning bayonot berishicha, mamlakat Qishki Olimpiada o‘yinlarini o‘tkazishga qiziqmoqda. Bu haqda news18.com sayti xabar qilgan.

«Men Assambleyada nutq so‘zlaganimda, biz qishki Olimpiya o‘yinlariga qiziqayotganimiz haqida bayonot berdim. Bu hammasi yaxshi bo‘lsa 2030 yilga to‘g‘ri keladi. Shunda 2028 yilgi o‘yinlarga tayyorgarlikda chalkashliklar ro‘y bermaydi. Agar XOQ 2026 va 2030 yillar uchun mezbon shaharlarni bir vaqtning o‘zida aniqlash imkonini ko‘rib chiqsa, biz unda ishtirok etishni xohlar edik», — degan Probst.

Eslatib o‘tamiz, 2028 yili AQSh Yozgi Olimpiada o‘yinlariga mezbonlik qiladi. U Los-Anjyelesda bo‘lib o‘tadi.