Pokistonda portlash: 7 politsiyachi halok bo‘ldi, 22 nafari jarohatlandi

Pokistonning Quetta Sibi ko‘chasi Saryob Mil hududida sodir etilgan portlash oqibatida 7 politsiyachi halok bo‘ldi. Yana 22 kishi tan jarohati oldi, deb xabar bermoqda Dawn nashri.

Dastlabki xabarlarga ko‘ra, xavfsizlik kuchlari ko‘cha yonida qoldirilgan bomba portlagani haqida ma'lum qilgan. Bu vaqtda bomba joylashtirilgan ko‘cha qismidan politsiya avtobusi 35 xavfsizlik xizmatchisini olib ketayotgan bo‘lgan. Ammo, hozircha, portlashga doir boshqa tafsilotlar ma'lum emas.

Quetta fuqaro shifoxonasi rasmiy vakili 7 kishining qurbon bo‘lganini tasdiqladi, yaralanganlardan 8 kishi shifoxonaga keltirilgan va tibbiy yordam ko‘rsatilgan.

Belujiston viloyati vaziri Sarfaroz Bug‘tiy 6 nafar poolitsiyachi hayotdan ko‘z yumganini tasdiqladi. 22 nafar yaralanganlar Fuqaro shifoxonasi va Harbiy gospitalda ekanini bildirgan.