AQSh milliy xavfsizlik vaziri: IShID «yangi 11 sentabr» tayyorlamoqda

IShID guruhi terrorchilari 2001 yil 11 sentabrdagi kabi yirik teraktni amalga oshirishni rejalashtirmoqda. Bu haqda AQSh milliy xavfsizlik vaziri v.b. Eleyn Dyuk bayonot berdi, deb yozmoqda Daily Mail.

U AQShning Londondagi elchixonasida chiqish qilar ekan, ayni vaqtda IShID jangarilari oraliq davrni boshdan kechirmoqda, biroq ular keng qamrovli xurujni rejalashtirmoqda. Uning so‘zlariga ko‘ra, terrorchilar ko‘plab odamlarning o‘limiga sabab bo‘ladigan samolyotlar portlashini uyushtirmoqchi. 

«Terrorchilik tashkilotlari, IShID bo‘ladimi, boshqasimi, 11 sentabrga o‘xshash katta portlashni sodir etishni xohlayapti. Ular samolyotlarning qulashini uyushtirishni rejalashtirmoqda, razvedkaning bunga ishonchi komil», — degan Dyuk.

Uning qo‘shimcha qilishicha, jangarilar moliyaviy manbalarini saqlab qolish va o‘zlarini eslatib turish maqsadida sovuq qurollar va avtotransportlardan foydalangan holda «uncha katta bo‘lmagan» teraktlarni sodir etib turishadi. 

Shu bilan birga vazirlik rahbari shu kabi tahdidlarni bartaraf etish usullarini ma'lum qilishni istamagan.