Россия Федерацияси президентлик сайловларида иштирок этиш истагини билдирган Ксения Собчак сиёсатчи Алексей Навальний номзод сифатида рўйхатдан ўтказилган тақдирда, ўз номзодини қайтариб олиши ҳақида маълум қилди. Собчак «Дождь» телеканали эфирида шундай баёнот билан чиқди. 

Алексей Навальний 2016 йилнинг декабрида Россия президенти лавозимига ўз номзодини қўйишни режалаштираётгани ҳақида маълум қилган. Бироқ Марказий сайлов комиссияси (МАК) сиёсатчи сайловларда қатнашиш ҳуқуқига эга эмаслиги, зеро 2013 йилда «Кировлес» иши бўйича айбланганини қайд этган.

Шартли ҳукмга қарамай, жаноб Навальний, қонунга мувофиқ фақат 2028 йилдагина президентликка номзодини қўйиши мумкин, дейди МАК раиси Элла Памфилова.