2017 yil 15 oktabr kuni soat taxminan 11:00 larda, Bektemir tumanida joylashgan “Bektemir” YPX maskanida xizmat olib borayotgan Toshkent shahar IIBB xodimlari tomonidan, Kinologiya xizmat iti ishtirokida, “Neksiya” rusumli avtoulov to‘xtatilib tekshirilganda, mazkur avtoulov yo‘lovchisi, 1973 yilda tug‘ilgan B.A.ning yonidan og‘irligi 3 kilogramm 656,4 gramm bo‘lgan «marixuana» giyohvandlik vositasi aniqlanib olingan. Bu haqda poytaxt IIBB xabar berdi.
Mazkur holat yuzasidan Bektemir tumani IIB huzuridagi Tergov bo‘limi tomonidan O‘zbekiston Respublikasi JKning 276-moddasi 2-qismi “a” bandi (giyohvandlik vositalarini o‘tkazish maqsadini ko‘zlamay, ko‘p miqdorda qonunga xilof ravishda saqlash) alomatlari bilan jinoyat ish qo‘zg‘atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
