2017 yilning noyabrida «O‘zbekiston havo yo‘llari» MAK Amritsar (Hindiston) va Istanbul (Turkiya) shahriga muntazam parvozlarning qo‘shimcha chastotalarini joriy etishni rejalashtirmoqda.
«O‘zbekiston havo yo‘llari» milliy aviakompaniyasi 2017 yilning 1 noyabridan Toshkent-Amritsar-Toshkent yo‘nalishi bo‘yicha yana qo‘shimcha ikkita muntazam reys chastotasini yo‘lga qo‘yadi.
Reyslar chorshanba va payshanba kunlari zamonaviy A320 samolyotlarida amalga oshiriladi.
16 noyabrdan boshlab, aviakompaniya Samarqand-Istanbul-Samarqand yo‘nalishi bo‘yicha muntazam reyslarning ikkinchi chastotasini joriy etadi.
Parvozlar payshanba kunlari zamonaviy A320 samolyotlarida amalga oshiriladi.
