Европа кенгаши раиси Дональд Туск ташкилот Каталониядаги мустақиллик референдумидан кейин Испания билан музокаралар олиб боришни давом эттиришини маълум қилиб, Мадрид каталонияликларга куч ишлатишдан тийилишига умид билдирди.

«ЕИ учун ҳеч нарса ўзгаргани йўқ. Испания билан бу масаладаги мулоқотни давом эттирамиз. Умид қиламанки, испан ҳукумати куч ишлатмайди», — дея ёзган Туск твиттерида.

Бугун Каталония парламенти мустақиллик ҳақида эълон қилди. 

Бунга жавобан Мадрид конституциянинг 155-моддасини қўллаб, Каталониядан автономия мақомини бекор қилди.