Каталония парламенти Испаниядан ажралиб чиқиш ҳақидаги резолюцияни ёқлаб овоз берди.

135 депутатдан 72 нафари мустақиллик эълон қилиниши тарафдори эканини маълум қилди, 10 нафари қарши овоз берди. Мадридга мойил партия вакиллари эса овоз бериш жараёнида иштирок этишни истамади ва зални тарк этди.

Эслатиб ўтамиз, Каталония мустақиллиги масаласи ҳудуднинг спорт жамоаларига ҳам таъсир қилиши мумкин. 

Аввалроқ, Ла Лига раҳбарияти Каталония мустақиллиги тан олинса, «Барселона», «Жирона» ва «Эспаньол» Испания чемпионатини тарк этиши мумкинлигини айтган эди. Шундан сўнг, «Барселона»нинг Франция ёки Англия чемпионатларига кўчиб ўтиши тахмин қилинганди.