Миллиардер Алишер Усмоновнинг тузилмалари томонидан назорат қилинувчи MegaFon уяли алоқа оператори Uzmobile миллий уяли алоқа оператори билан келишув имзолади. Бу ҳақда Ўзбекистон компанияси ахборот хизмати хабар берди.

Ҳужжатда GSM стандартида овозли, SMS ва интернет-роуминг хизматларини тақдим этиш кўзда тутилган.

«Бу икки операторнинг абонентларига ўз харажатларини оптималлаштириш ва Ўзбекистон ҳамда Россияда бўлган вақтларида овозли мулоқот, хабарлар алмашиш ва интернет-трафикни сарфлашни сезиларли даражада камайтириш имконини беради. Бу хизмат нафақат Ўзбекистонда, балки ундан ташқарида ҳам ҳамёнбоп мулоқот учун қўшимча омил бўлиб хизмат қилади», - дея таъкидланган хабарда.