20:50 / 01.11.2017
8666

Qora dengizda Turkiyaga qarashli yuk kemasi cho‘kib ketdi, qurbonlar bor

Foto: IHA

Turkiyaga qarashli Bilal Bal yuk kemasi Qora dengizning Turkiyaga qarashli sohillarida, Shile shahri yaqinida cho‘kib ketdi. Bu haqda "Sabax" nashri xabar bermoqda.  

Turkiyaning Marmar dengizidagi Gemlik portidan Qora dengizdagi Erigli portiga temir rudasi olib ketayotgan yuk kemasida 13 kishilik ekipaj bo‘lgan. Ularning barchasi Turkiya fuqarolari bo‘lgan. 

Turkiya sohilbo‘yi qo‘riqlash xizmati qidiruv-qutqaruv operatsiyasini boshlagan. Operatsiya davomida dastlab bo‘sh qayiqlar va qutqaruv jiletlari, keyin esa 4 nafar dengizchining jasadi aniqlangan.

Kema 1974 yilda qurilgan bo‘lgan. Voqea sabablari aniqlashtirilmoqda.

Mavzuga oid
Top