Хитойдаги электрон тижорат куни ҳисобланувчи 11 ноябрь куни (Double 11 номи билан ҳам машҳур) Xiaomi бирданига учта смартфонини тақдим этишни режалаштирмоқда. Улар орасида Redmi Note 5 ва Redmi 5 Plus ҳам бор. Икки модель ҳақида сўнгги вақтларда турли гап-сўзлар тарқалган, шу билан бирга, янги маълумотлар ҳамон пайдо бўлмоқда. Яқинда интернет тармоғида Xiaomi Redmi 5 Plus смартфонига доир янги суратлар эълон қилинди. 

Фото: Ижтимоий тармоқлар

Ўзига хосликлари

Xiaomi компанияси Redmi 5 Plus билан арзон гаджетлар қаторига гардишсиз смартфонни олиб киради. Миш-мишларга кўра, смартфон экрани 18: 9 нисбатда бўлиб, тўрт томонида ўта ингичка гардиш билан қопланади. Қурилманинг олд панелида ҳеч қандай тугмача бўлмайди, бармоқ изларининг сканери орт панелга жойлаштирилган. 

Қурилма орқа томондан икки камерали Xiaomi Redmi Pro смартфонига ўхшаб кетади. Жуфт камера ўртасида ёруғлик диодли ёритқич ва бармоқлар изини олувчи сканер бор. Redmi 5 Plus ҳажмига кўра, эҳтимол, одатдаги Redmi 5 телефонидан каттароқ бўлади. 

Xiaomi Redmi 5 Plus фаблетининг дастлабки хусусиятлари 

Дисплей: 5,99 дюймли, 2160 x 1080p (FHD +) ўлчамли;
Чип: Snapdragon 625 (ёки Snapdragon 450);
Хотира: 3/4 Гб оператив ва 32/64 Гб ички;
Камера: асосийси иккиталик: 12 Мп + 5 Мп;
Аккумулятор: ҳозирча номаълум;
Ишлаш тизими: Android 7.1.

Нархи 

Яна ўша миш-мишларга биноан, смартфоннинг энг оддий намунаси 799 юань туради. Бу 970 минг сўм атрофида деганидир. Қиммат эмас-а?