Нью-Йоркда содир этилган теракт жойида топилган хат ҳужумни содир этганликда гумон қилинаётган Сайфулла Соипов ИШИД террорчилик гуруҳи ғояларини қўллаб-қувватлаганидан дарак бермоқда.  

Бу ҳақда Федерал қидирувлар бюросининг Нью-Йоркдаги бўлими бошлиғи Уильям Суини матбуот-анжуманда маълум қилган. 

Суинининг айтишича, араб тилида ёзилган мактуб матни терорчининг ИШИД мафкурасини қўллаб-қувватлаганидан дарак бермоқда.

31 октябрда кундузи Нью-Йоркда Соипов пикап машинасида қасддан пиёдаларни босиб кетган. Оқибатда 8 киши ҳалок бўлган.