Finlyandiya Rossiya harbiy faolligi tufayli AQSh bilan qo‘shma mashqlar o‘tkazadi

Finlyandiya Rossiya harbiy faolligi tufayli AQSh va boshqa ittifoqchilar bilan keng miqyosli harbiy mashg‘ulotlar o‘tkazishni rejalashtirmoqda. Bu haqda 3 noyabr, juma kuni Finlyandiya mudofaa vaziri Yussi Niinisto ma'lum qildi, deb xabar berdi Reuters.

Ta'kidlanishicha, mashqlar qo‘shinlarga inqiroz holatiga tayyorgarlik ko‘rishda yordam beradi.

«Mashqlarga harbiy xizmatga chaqirilganlar, zaxiradagilar va askarlar keng jalb etiladi. Ular Shvetsiya, AQSh va boshqa asosiy sheriklarimiz bo‘lgan mamlakatlar birgalikda mashg‘ulot o‘tkazishadi», - dedi Niinisto.

Uning aytishicha, mashg‘ulotlar sentabr oyida Shvetsiyaning Avrora mashqlariga o‘xshash bo‘ladi. Ommaviy axborot vositalarining xabar berishicha, Avrorada 19 ming nafar harbiy xizmatchi ishtirok etdi.