5 ноябрда Бағдоднинг шимоли ва ғарбида иккита портлаш содир этилди. Оқибатда 4 киши ҳалок бўлган ва ўнга яқин одам турли жароҳатлар олган.

“Биринчи портлаш Бағдод шимолидаги Ал-Тармия туманидаги бозор яқинида содир этилган. Бунинг оқибатида камида 2 киши ҳалок бўлган ва 7 киши яраланган”, деб маълум қилган Ироқ ОАВ.  

Яна бир портлаш Бағдод ғарбида рўй берган. Бу портлаш оқибатида 2 киши ҳалок бўлган ва яна 2 киши жароҳатланган.

Ҳуқуқ-тартибот идоралари портлаш жойларини ўраб олишган ва тергов олиб боришмоқда.