АҚШ президенти Дональд Трамп Эронни Яман ҳудудидан туриб Саудия Арабистони пойтахти томон ракета йўллашда айблади. Бу ҳақда РИА Новости хабар тарқатди.

«Менимча, Эрон Саудия Арабистонига ҳужум қилмоқда. Буни сиз ҳам биласиз-а? Сиз ракета учирилганини кўрдингиз. Бизнинг тизим уни уриб туширди», — деган у.

Бундан аввалроқ, Саудия Арабистони ҳаво ҳужумидан мудофаа кучлари Ар-Риёддан шимоли-шарқда баллистик ракетани зарарсизлантиргани маълум бўлганди.

Октябрь ойида Ямандаги ҳусийчилар Абу-Дабини ўз ракеталарининг асосий нишони деб аташганди. Бу кучлар Эрон томонидан қўллаб-қувватланиши иддао қилинади.