21:30 / 06.11.2017
3800

Indoneziya WhatsApp messenjerini to‘sib qo‘ymoqchi

Foto: Dado Ruvic/Reuters

Indoneziya 6 noyabrda WhatsApp messenjeri uchinchi tomonlarning nomaqbul mazmundagi GIF-tasvirlarini o‘chirib tashlamasa, unda uni to‘sib qo‘yish bilan tahdid qildi. Bu haqda Reuters axborot agentligi xabar berdi.  

Indoneziya aloqa va axborot vazirligi agar talab bajarilmasa, messenjer 48 soat ichida to‘sib qo‘yilishini ma'lum qildi. 

Axborot agentligi ma'lumotlariga ko‘ra, vazirlik WhatsApp’ga bu talab bildirilgan uchta maktub yo‘llagan. “WhatsApp bizga javob berdi, biroq bizga uchinchi tomonga murojaat qilishni aytdi. GIF-suratlar ularning dasturida paydo bo‘lgan. Nima uchun biz uchinchi tomon bilan gaplashishimiz kerak?”, deb aytilgan vazirlikda.

Vazirlik, shuningdek, tasvirlar taqdim qiluvchi Tenor xizmati ham to‘silishini ma'lum qilgan.

Axborot agentligining ma'lum qilishicha, tasvirlarni o‘chirish talabi ularga bolalarning ko‘zi tushishi mumkinligi bilan bog‘langan. 

Top