AQSh prezidenti Donald Tramp Osiyo bo‘ylab turnesi davomida turli xil uchrashuvlar o‘tkazmoqda.
Bugun janob Tramp Janubiy Koreyadagi safarini yakunlab, Xitoyga yo‘l oldi. Ma'lum bo‘lishicha, AQSh prezidenti rossiyalik hamkasbi Vladimir Putin bilan ikkinchi marta uchrashishi aynan Osiyo turnesiga to‘g‘ri kelishi mumkin.
Vetnamda 8-11 noyabr kunlari AREC (Osiyo-Tinch Okeani davlatlarining iqtisodiy hamkorlik tashkiloti) yig‘ilishi o‘tkaziladi. Tramp va Putin aynan mana shu ushbu sammit doirasida uchrashishi kutilmoqda. AQSh tomon bu uchrashuvning tashabbuskori hisoblanadi va Rossiya tomon bunga qarshi emas.
«Biz AQSh tomonining bu uchrashuvni tashkillashtirmoqchi ekanidan xabarimiz bor. Prezident Putin bunga qarshi emas va bundan amerikaliklar xabardor»,- degan Rossiya tashqi ishlar vaziri Sergey Lavrov.
