Лондондаги аукционда “Америка” сўзи илк бор эслаб ўтилган, аввал номаълум бўлган қадимий дунё харитаси сотувга қўйилади. Аукцион  13 декабрда бўлиб ўтади.

“Интерфакс”нинг ёзишича, 1507 йилда немис харитачиси Мартин Вальдземюллер томонидан яратилган ушбу харитани британиялик реставратор Артур Дресчер оиласи сотмоқда. Хаританинг дастлабки нархи 600 минг фунт стерлинг қилиб белгиланган.

Фото: AP

Christieʼs аукцион уйининг етакчи мутахассиси Жулиан Уилсоннинг айтишича, бу хаританинг яна 4 та нусхаси мавжуд. Улар музейлар ва хусусий коллекцияларда сақланади. Жумладан, бу хаританинг деворга осиғлиқ нусхасини АҚШ конгресси кутубхонасида кўриш мумкин.