Россия ва Қирғизистон президентлари Владимир Путин ва Алмазбек Атамбоев телефон орқали мулоқотда икки томонлама муносабатларни муҳокама қилишди, деб хабар бермоқда Кремль матбуот-хизмати. 

“Владимир Путиннинг Қирғизистон президенти Алмазбек Атамбоев билан телефон мулоқоти бўлиб ўтди. Икки томонлама муносабатларнинг долзарб масалалари муҳокама қилинган”, дейилган хабарда.

Эслатиб ўтамиз, 15 октябрда Қирғизистонда президентлик сайловлари бўлиб ўтди. Сайловлар натижаларига кўра мамлакатнинг собиқ бош вазири Сооронбай Жээнбеков 54,7 фоиз овоз билан ғалаба қозонди. Янги президентнинг инаугурацияси 24 ноябрга белгиланган.