АҚШ президенти Дональд Трамп дунёда тинчлик ўрнатиш учун куч ишлатишга тайёр эканини маълум қилди. У бу ҳақда Жанубий Корея парламентидаги чиқиши вақтида айтиб ўтган.

«Мен куч орқали тинчликка эришишни истайман», — деган Трамп АҚШнинг ҳарбий имкониятларини юқори баҳолаб.

«АҚШ ва менинг маъмуриятим ўз қуролли кучларини қайтадан қуради», — дея қўшимча қилган президент.

Бундан аввалроқ Трамп КХДРга қарши ядро қуроли қўллашдан қайтмаслигини маълум қилганди.