Хитой бундан кейин ҳам тинч тараққиёт йўлидан боради ва Осиё-Тинч океани минтақасида (ОТМ) тинчлик ҳамда барқарорликнинг кафолати бўлиб қолади. Бу ҳақда Хитой Халқ Республикаси раиси Си Цзиньпин Вьетнамнинг Дананг шаҳрида Осиё-Тинч океани иқтисодий ҳамкорлиги саммитида сўзлаган нутқида маълум қилди.

«Биз, хитойликлар, тинчлик - энг қадрли нарса экани, ҳамда барча мамлакатлар ўртасида мувофиқлик бўлиши керак, деб ҳисоблаймиз. Биз ривожланишнинг тинч йўлини давом эттирамиз. Осиё-Тинч океани минтақаси ва ундан ташқарида тинчлик ҳамда барқарорликнинг кафолати бўлиб қоламиз», - дея айтиб ўтди Си Цзиньпин.

Унинг таъкидлашича, Хитой келажакда адолат тамойилига асосланиб, бошқа давлатлар билан янги турдаги муносабатларни ривожлантиради. Уларнинг ўзига хос хусусияти эса ўзаро ҳурмат, адолат ва манфаатли ҳамкорлик бўлади.