5 ноябрда оммавий қотиллик содир этилган, Техаснинг Сазерленд-Спрингс шаҳарчасидаги баптист черкови бузиб ташланади. Бу ҳақда “РИА Новости” ахборот агентлиги хабар бермоқда. 

5 ноябрда Девин Келли исмли шахс черков ичига бостириб кириб, ибодатга келган одамларни ўққа тута бошлаган. Бунинг оқибатида 27 киши ҳаётдан кўз юмган ва 30 га яқин одам жароҳат олган. Қотил сўнгра ўз жонига қасд қилган.

Пасторнинг айтишича, ўнлаб одамлар отиб ташланган жойда ибодат қилиш “жуда оғир ботади”. Унинг айтишича, черков ўрнида отишма қурбонлари хотирасига ёдгорлик ўрнатилиши мумкин.