Қрим ҳукумати бош вазири ўринбосари Дмитрий Полонский Қримга америкалик ҳарбий инспекторлар ташрифи бўйича ғояни «украиналик ҳарбий амалдорларнинг касал фантазияси» деб атади. Бу ҳақда РИА «Новости» хабар бермоқда.

«Ўйлашимча, бу украиналик ҳарбий амалдорларнинг навбатдаги касал фантазияси, улар шунчалик катта ва мустақилки, мамлакатда ҳам, ундан ташқарида ҳам уларга, умуман олганда, ҳеч нарса боғлиқ эмас. Шунинг учун, улар ўзгаларнинг ҳудудларига шундай хўжайинлик қилаётгани нафақат тушунмовчилик, балки кулгини ҳам келтириб чиқаради», - деди у.

Унинг таъкидлашича, фақатгина Россия армияси республика ҳудудида бўлиши мумкин.