ОПЕК ва Россия жаҳоннинг картелга аъзо ва аъзо бўлмаган етакчи нефть ишлаб чиқарувчиларига мурожаат қилиб, 2018 йил охиригача нефть қазиб олишни чеклаш бўйича келишувни 2018 йил охиригача қўллаб-қувватлашга чақирмоқда. ОПЕК бу борада консенсусга эришилганини ноябрь ойи охирида бўлажак навбатдаги мажлисида эълон қилиши кутилмоқда. Қуйида келишув тақдирига ҳал қилувчи таъсир кўрсата оладиган давлатлар қайсилар экани яна бир бор ёдга олинади. 

10. Норвегия

Фото: Insider.Pro

Август ойида Норвегия бир суткада 1,57 млн баррель нефть қазиб олган. Июлда бу рақам 1,62 млн баррелни ташкил этган. Бу ҳақда Нефть статистикаси бўйича қўшма ташаббус (JODI, Joint Organization Data Initiative) маълумотида сўз юритилган. 

9. Ангола

Фото: Insider.Pro

ОПЕК аъзоси бўлган Ангола Африканинг нефть қазиб олувчи иккинчи йирик мамлакати ҳисобланади. У августда бир кеча-кундузда 1,68 млн баррель қора олтин қазиб олган. Мамлакат учинчи ойдирки бу миқдорни ошириб бормоқда.
 
8. Мексика

Фото: Insider.Pro

Мексика августда кунига 1,94 млн баррель нефть қазиб олган. Бу мамлакат учинчи ойдирки ишлаб чиқариш суръатларини пасайтирмоқда. 

7. Нигерия

Фото: Insider.Pro

JODI ҳисоб-китобларига кўра, Африканинг йирик нефть қазиб олувчи давлати август ойида кунига 1,99 млн баррелга яқин нефть қазиб олган. У август кўрсаткичидан юқори бўлган рақамда барқарорлашса, келишувга қўшилишини билдирди. Аввалроқ ОПЕК Нигерия ва Ливияга ички низолар туфайли нефть қазиб олишни камайтирмаслик имкониятини тақдим этган эди. 

6. Венесуэла

Фото: Insider.Pro

Венесуэла ёз мавсумининг сўнгги ойида бир кунда 2,1 млн баррель нефть қазиб олган. Бу июль ой кўрсаткичидан камдир. Октябрь ойи бошида мамлакат нефть вазири Эулохио дель Пино берган баёнотга кўра, ОПЕК ва картелга аъзо бўлмаган нефть қазиб олувчи 16 мамлакатлар бозордаги мувозанатни тиклашга уриниб кўради. 

5. Канада

Фото: Insider.Pro

Статистика маълумотларига биноан Канада августда 3,12 млн баррель нефть қазиб олган. Бу ўтган ойлардагидан бироз камдир. 

4. Ироқ

Фото: Insider.Pro

Ироқ ОПЕКнинг нефть қазиб олиш бўйича иккинчи энг йирик аъзоси ҳисобланади. Унинг август ойида қазиб олган қора олтини кунлик 4,38 млн баррелни ташкил этди. Бироқ Бағдодга кўра, мамлакат ўтган йилнинг қиш ойларида режалаштирилган режасини бажара олганича йўқ. 

3. АҚШ

Фото: Insider.Pro

JODI ҳисоботига биноан августда Америка Қўшма Штатлари бир кунда 9,34 млн баррель нефть қазиб олган. У нефть қазиб олиш миқдорини учинчи ойдирки кўпайтирмоқда. ОПЕК бош директори Муҳаммад Баркиндо Американинг сланц нефть ишлаб чиқарувчиларини нефть бозорини мувозанатлаштириш мақсадида қазиб олишни камайтириш режасини қўллаб-қувватлашга чақирди. Reuters маълумотларига кўра, Шимолий Америкадаги сланцли бурғилаш ускуналари АҚШда қазиб олинган жами нефтдаги улушини 10 фоизга оширган. 

2. Саудия Арабистони

Фото: Insider.Pro

Август ойида ОПЕКнинг энг йирик аъзоси ҳисобланувчи Саудия Арабистони подшоҳлиги бир кунда 9,95 млн баррель нефть қазиб олган. У май ойидан бери биринчи марта қазиб олиш кўрсаткичини кунига 10 млн баррелдан пасайтирди. 

1. Россия

Фото: Insider.Pro

2016 йил декабридан бери Россия нефть қазиб олиш бўйича Саудия Арабистонини ортда қолдириб, дунёнинг биринчи мамлакати бўлди. Август ойида бу мамлакатда кунига 10,34 млн баррель нефть қазиб олинган. 

ОПЕК йирик нефть қазиб олувчилар ва биринчи галда Россия билан нефть бозоридаги нархни тартибга солиш учун ҳамкорлик қилиб келади.