Россия президенти Владимир Путин АҚШга Шимолий Корея билан боғлиқ муаммони ҳал қилишда «ростдан ҳам ёрдам бериши» мумкин. Бу ҳақда ОТИҲ саммити вақтида америкаликлар раҳбари Дональд Трамп маълум қилди.

Аммо Трампнинг сўзларига кўра, Россия ҳамон «КХДРни эркалатмоқда».

Бу вақтда эса Владимир Путин КХДР муаммосини дарҳол музокаралар йўли билан ҳал этиш бўйича АҚШ, Япония ва Жанубий Корея томонидан «кўнгилни тўқ қилувчи сигналлар» берилмаётгани ҳақида гапирган. Президент шунингдек, Россия ва Хитой КХДРнинг ядровий мақомини тан олмаслигини қўшимча қилган.

Бундан аввалроқ Трамп Россия ва бутун жаҳон ҳамжамиятини Корея ярим оролидаги вазиятни ҳал қилишда ёрдам кўрсатишга чақирганди.