Foto: hindustantimes.com
Hindiston janubi-sharqidagi Andxra-Pradesh shtatidagi Krishna daryosida odamlar bilan haddan ortiq yuklangan qayiqning to‘ntarilishi oqibatida kamida 13 kishi halok bo‘ldi, 10 kishi bedarak yo‘qolgan hisoblanmoqda, deb xabar bermoqda New Indian Express nashri.
Nashr manbalarining ma'lum qilishicha, baxtsiz hodisa Vijayavada aholi punkti yaqinida yuz bergan. Tabiiy fojialarga javob berish milliy kuchlari ma'lumotlariga ko‘ra, 20 kishiga mo‘ljallangan qayiqda 40 ga yaqin kishi bo‘lgan.
Dastlabki taxminlarga ko‘ra, qayiq suv o‘ramasiga tushib, to‘ntarilib ketgan. Voqea joyida qutqaruv operatsiyasi o‘tkazilgan. Suvdan 15 kishini chiqarib olishga muvaffaq bo‘lingan.
