Foto: © REUTERS/Hani Amara
Ispaniya sohil xizmati vakillari 251 nafar afrikalik qochqinlar qutqarilgani haqida ma'lum qildi. Daily Sabah xabariga ko‘ra, bu odamlar 5ta qayiqda O‘rta Yer dengizini kechib o‘tmoqchi bo‘lgandi.
Xalqaro migratsiya tashkiloti ma'lumotiga ko‘ra, Ispaniya qirg‘oqlariga suzib keluvchi afrikalik muhojirlar soni o‘tgan yilning shu davridagiga qaraganda 3 barobar o‘sdi — yil boshidan buyon Ispaniyaga 15 585 qochqin keldi.
Migrantlar Ispaniyaga asosan Liviya hududidan kelmoqda, bu davlatdagi siyosiy beqaror vaziyatdan qochayotganlar Marokash — Ispaniya marshrutini tanlashadi.
