Аргентина терма жамоаси сардори Лионель Месси 2016 йилда Америка кубоги финалида Чили терма жамоасидан учралган мағлубиятдан сўнг (0:0, 2:4 пенальтилар серияси) қилган қарорини эслади. Ўшандан кейин футболчи терма жамоадан кетганини маълум қилган, бироқ маълум муддат ўтиб, яна терма жамоага қайтганди.

«Алам устида терма жамоадан кетиш қарорига келгандим, кейин эса қайтишни хоҳлаётганимни айтишга уялдим. Аммо Эдгардо Бауса (ўша вақтда Аргентина терма жамоаси бош мураббийи — Tribuna.Uz) ва жамоадаги шерикларим мени сафга қайтишимни осонлаштириш учун қўлларидан келган барча ишни амалга оширишди», — дея Мессининг сўзларини келтиради DIRECTV Sports.