Дунёнинг турли давлатларидан ҳалол маҳсулотлари ишлаб чиқарувчи йирик компаниялар 16 ноябрда Москвада ўтадиган Moscow Halal Expo кўргазмасида иштирок этадилар. Бу ҳақда тадбир ташкилотчилари маълум қилишди.   

“Moscow Halal Expo 2017’да 40 та давлат компаниялари иштирок этади. Кўргазмада Россия, Ўзбекистон, Озарбайжон, Бруней, Индонезия, Саудия Арабистони, Малайзия, АҚШ, Туркия, Сурия ва Миср каби давлатлар компаниялари ва брендлари тақдим қилинади”, дейилган хабарда.       

Ташкилотчиларнинг айтишларича, компаниялар орасида нафақат гўшт маҳсулотлари ишлаб чиқарувчилари, балки қолган тармоқлар вакиллари ҳам бўлади. Кўргазмада, шунингдек, ҳалол ширинликлари, сут маҳсулотлари ва косметика тақдим этилади. Moscow Halal Expo “Сокольники” кўргазма марказида бўлиб ўтади.

Ҳалол маҳсулотлари мусулмонларнинг истеъмол қилишлари мумкин бўлган барча маҳсулотлар ҳисобланади. Маҳсулотнинг ҳалоллилиги стандартга мосликка сертификатлаштиришдан сўнг тегишли маркировкалаш орқали тасдиқланади.  

Thomson Reuters ва Dinar Standard таҳлилий компанияларининг биргаликда ўтказган тадқиқотига кўра, ҳалол озиқ-овқат маҳсулотлари индустрияси 2020 йилгача икки баробарга ўсиб, 2,6 млрд долларни ташкил қилиши мумкин.