Туркия президенти Ражаб Тоййиб Эрдўған 14 ноябрь куни Кувайтга келди. Бу ҳақда “Анадолу” хабар бермоқда.

Туркия етакчиси Кувайт халқаро аэропортида мамлакат бош вазири ўринбосари ва ТИВ раҳбари шайх Сабох Ал-Холид ал-Сабох, Туркиядаги элчи Ҳасан Аз-Завави, Туркиянинг Кувайтдаги элчиси Ойша Ҳилол Саён Кўйтак ва бошқалар томонидан кутиб олинди.

Эрдўғанга Кувайт ташрифи давомида рафиқаси Амина Эрдўған, Туркия Қуролли кучлари Бош штаби раҳбари Хулуси Акар, адлия вазири Абдулҳамид Гул, ТИВ раҳбари Мавлуд Човушўғли, иқтисодиёт вазири Ниҳот Зайбекчи, энергетика ва табиий ресурслар вазири Усмон Ошкин Бак, озиқ-овқат, қишлоқ хўжалиги ва чорвачилик вазири Аҳмад Ашраф Фоқибобо, маданият ва туризм вазири Нўъмон Қуртулмуш, ўрмон хўжалиги ва сув ресурслари вазири Вейсел Эрўғли ҳамда транспорт, кемасозлик ва коммуникациялар вазири Аҳмад Арслон ҳамроҳлик қилмоқда.