Shvetsiya terma jamoasi futbolchilari Italiyaga qarshi o‘yin yakunlanganidan keyin jahon chempionati yo‘llanmasini nishonlashga kirishdi va maydondagi telestudiyani buzib ketishdi.
Ular hakam hushtagi yangrashi bilan maydon bo‘ylab guruh bo‘lib chopa boshlashdi va Eurosport jurnalistlarining jonli efiri uzatilayotgan mini-studiyaga «hujum» qilishdi.
Qayd etish kerakki, shvedlar oxirgi marta 2006 yilgi jahon chempionatida o‘ynagan, shundan keyin Zlatan Ibragimovich boshchiligidagi jamoa JAR va Braziliya maydonlaridagi mundiallarni o‘tkazib yuborgan.
