Ўзбекистон консуллик муассасалари 2017 йилнинг январь-сентябрь ойлари давомида 224 022 нафар чет эл фуқаросига кириш визаларини берди. Бу ҳақда ТИВ ахборот хизмати хабар бермоқда.

Хусусан, ҳисобот даврида 96 752 нафар сайёҳга ва 32 898 нафар тадбиркорга ҳам Ўзбекистонга кириш визалари берилди. 

Шу билан бирга, 2016 йилнинг шу даврига нисбатан берилган визалар умумий сони 21%га, шу жумладан, берилган сайёҳлик визалари 24%, тадбиркорлик визалари 27%га ошди.