20:50 / 15.11.2017
39070

KXDRda Trampni o‘limga mahkum qilishdi

Foto: Reuters

Shimoliy Koreya OAV fikricha, AQSh prezidenti Donald Tramp Shimoliy Koreya yetakchisi Kim Chen Inni haqorat qilgani uchun o‘lim jazosiga loyiqdir, deb xabar bermoqda Sky News.

Ma'lum qilinishicha, Tramp yaqinda tashrif buyurgan Osiyoning 5 ta davlatini Shimoliy Koreya o‘z raketa sinovlarini to‘xtatishi uchun unga bosim ko‘rsatishga chaqirgani uchun “qabih jinoyatchi” deb atalgan.

“Uning hech qachon afv etilmaydigan eng yomon jinoyati shundaki, u oliy rahbariyatning obro‘siga ichiqoralik bilan ziyon yetkazishga botina oldi. U koreys xalqi tomonidan o‘limga mahkum qilingan bir qabih jinoyatchidir”, deb aytilgan Shimoliy Koreya OAVda.

Ta'kidlanishicha, Kim Chen In AQSh bilan keskinlik avj olgan vaqtdagi 2 oylik tanaffusdan keyin yana ommaviy safarlarini boshladi. 

Avvalroq Tramp Shimoliy Koreya rahbari tomondan haqoratlarga uchrashiga qaramasdan, u bilan bir kun kelib do‘stlashishiga umid qilgan.

Mavzuga oid
Top