Kutilmagan burilish. Neymar o‘zini «PSJ»ga sotmaslikni so‘rab, rahbariyatga yalingan

«Barselona»dan «PSJ» klubiga o‘tish chog‘ida Neymar kuchli ruhiy kechinmalarni boshidan o‘tkazgani ma'lum bo‘ldi.

Marca nashri tarqatgan xabarga ko‘ra, Neymar guvohlar huzurida, «Barselona» prezidenti Xosep Mariya Bartomeuga ikki marta ko‘zida yosh bilan murojaat qilib, o‘zini «PSJ» klubiga qo‘yib yubormaslikni so‘ragandi.

Lekin «Barselona» Neymarning transferi uchun 222 mln yevro ishlab olishni ma'qul ko‘rgan.

Bundan avvalroq Ispaniya matbuotida Neymar «PSJ»ga o‘tganidan afsusda ekani va «Barselona»ni qo‘msayotgani haqida xabarlar tarqalgan edi.

Bundan tashqari, Neymar «Barselona»ni Messini soyasida qolib ketayotgani tufayli tark etgani, Parijda esa asosiy futbolchiga aylanmoqchi ekani haqida ham yozildi.

Yaqinda esa, «Real» uni Krishtianu Ronalduga o‘rinbosar sifatida xarid qilmoqchi bo‘layotgani haqidagi xabarlar paydo bo‘ldi.