Россия телеканаллари 2018 йилда Пёнгчангда бўлиб ўтадиган Олимпия ўйинларини намойиш этишдан воз кечишлари мумкин. Бу РФ терма жамоаси мусобақаларга қўйилмаса юз беради, деб хабар қилмоқда «Ведомости» газетаси.

Бундай қарорнинг қабул қилинишига россиялик спортчиларнинг бўлмаслиги туфайли трансляциялар рейтинглари жуда пастга тушиб кетиши асосий сабаб сифатида кўрсатилмоқда.

Маълумот учун, Россияда Олимпия ўйинларини Биринчи канал, «Россия 1» ва «Матч ТВ» намойиш этишни режалаштирмоқда.